el blog de placido :-)

Egun batzuk patxada onian igarotzeko asmoa baduzue, ez duzue Arruan Haundi baserria baino leku aproposagorik topatuko.

Baserria burdindegi bat omen zen XVI. mendean, eta Lasturreko auzoan dago, Itziartik 9 kilometrora, Gipuzkoan. Duela 25 bat urte Kontxik eta Guillermok hartu zuten etxea, eta gaur egun baserria, nekazal-turismoa eta energia garbien abangoardia ere bada.

Etxea han bizi direnen bizi-proiektua da, ingurugiroarekin konpromezua duen bizi-proiektua, alegia. Kontxi eta Guillermo Lasturreko baserritarren abangoardia direla esan daiteke, berrikuntza guztietan lehenak izan direlako, euren izpiritu ausarta eta ekintzailea dela medio. Inguruko baserritarrak Arruan Haundiri begira daude, Kontxi eta Guillermoren esperientzei begira, gerora eurek ere bide horiek jarraitzeko.

Lehenengo nekazaritza ekologikoa izan zen, gero nekazal-turismoa, energia garbiak 2002an eta azkena Wifi teknologia. Hori guztia topatuko duzue Arruan Haundin, eta hori baino geihago: asko irakatsiko dizueten pertsona paregabeak.

Nekazal-turismorako bi etxe daude, guztiz ekipatuta: sukalde handia afariak egiteko, oheak, komunak eta dutxak... Independentzia osoarekin. Kanpina ere ipini dute bazter polit batean. Eta interneten nabigatzeko aukera ordenagailua zelai-zoruan ipinita!!!! Inguruan ibilaldiak egiteko edota hondartza izkutu eta basatietara joateko aukera ere bada, noski.

Horrez gain, arruan-haunditarrek serio hartu dute energia berriztagarrien afera, eta Argi ta garbi elkartea osatu dute, nekazal-eremuan energia garbiak sustatzeko. Izan ere, arruan-haunditarrak ez daude konforme energia berriztagarriak euren etxean jartzearekin... Europa osoan zabaldu nahi dituzte!!!!

Lastur ingurura hurbiltzen bazarete, egin bisita, eta erosi baserriko produktuak, etxeko gazta goxoa, adibidez!!!!